Kampioni aktual i Spanjës, Real Madrid, ka kohë që është vënë pas ylli francez të Manchester United, Paul Pogba.
Ata ende nuk kanë hequr dorë nga ish-mesfushori i Juventusit.
Marca shkruan se transferimi i tij në Santiago Bernabeu, varet nga trajneri Zinedine Zidane.
Sipas të përditshmes spanjolle, nëse francezi vazhdon të jetë trajneri i Real Madridit, atëherë gjasat që Pogba ta veshë fanellën e Los Blancos janë reale.
Zidane asnjëherë nuk e ka fshehur dëshirën që ta ketë nën urdhrat e tij francezin Pogba.
Ai është duke përgatitur një ofertë për ta transferuar nga Old Trafford vitin e ardhshëm./VAR Kosova/
