Ka përfunduar kryendeshja e javës së shtatë në kampionatin elitar anglez, Premierligë mes Manchester Unitedit dhe Arsenalit.
Ndeshja e zhvilluar në “Old Trafford” i takoi mysafirëve.
Skuadra e Mikel Artetës e fitoi këtë ndeshje me rezultat minimal, 0:1.
Golin e vetëm dhe të fitores për Arsenalin sonte e shënoi Pierre-Emerick Aubameyang në minutën e 69-të.
Të dyja skuadrat më pas patën rastet e tyre, por pa sukses.
Pas kësaj ndeshje, Arsenali ngritet në vendin e tetë me 12 pikë, kurse Man Unitedi mbetet në vendin e 15-të me vetëm shtatë pikë.
