Trajneri i Leeds United, Marcelo Bielsa këmbëngul që ekipi i tij nuk do të braktisë stilin e tyre pavarësisht humbjes së thellë që pësoi nga Manchester United në kuadër të javes së 14-të të Premierligës.
Leeds United u mund me rezultat 6 – 2 nga Manchester United, por pavarësisht kësaj, menaxheri i Leeds United, Marcelo Bielsa, insiston se ekipi i tij do të qëndrojë besnik ndaj sistemit të lojës.
“Në pjesën e parë kemi pasur mundësi të ngjashme me ato që ata kishin, por nuk ishim në gjendje të shënonim,” tha ai për “Sky Sports”.
“Sulmet tona erdhën nga një lojë e kombinuar dhe sulmet e tyre erdhën nga fakti që po humbnim topin në pozicione sulmuese, dhe ata do të kalonin nga mbrojtja në sulm. Kthimi ynë ishte më i ngadaltë, ndërsa tranzicioni i tyre ishte i shpejtë”, tha 65 vjeçari.
“Në pjesën e parë po humbnim me një diferencë të madhe dhe unë doja ta bëja lojtarët në mesfushë më konkurrues dhe t’i bëja ata të rikuperonin topin më lehtë”, tha Bielsa.
“Ne nuk do ta braktisim mënyrën se si luajmë”, përfundoi Marcelo Bielsa.
