Vlera e Jetmir Topallit është rritur ndjeshëm pas transferimit në Turqi.
Futbollisti i ri sa ishte pjesë e Ballkanit vlerësohej me çmimin 200 mijë euro, teksa së fundmi Transfermarkt e ka rivlerësuar duke i vendosur çmimin 500 mijë euro.
E me vlerën e re, Topalli i kalon për nga çmimi të gjithë futbollistët e Superligës së Kosovës.
Ai bëhet për 25 mijë euro më i shtrenjtë se Mici që vlenë 475 mijë euro, dhe për 50 mijë më i shtrenjtë se Simonovski i Feronikelit që kushton 450 mijë.
Topalli ka realizuar 4 gola në vetëm 281 minuta lojë, me një mesatare të frikshme prej 70 minutash për një gol të realizuar.
