Ish-mesfushori i “Djajve të Kuq”, Darren Fletcher është bashkangjitur me stafin e Ole Gunnar Solskjaer tek Manchester United.
Njoftimin e ka bërë vetë klubi anglez, përmes faqes zyrtare në Twitter.
“Rikthim aty ku filloi gjithçka, jemi të lumtur të njoftojmë se Darren Fletcher është rikthyer tek United, si pjesë e stafit të Ole’s” – shkruhet në njoftimin e United.
Fletcher ishte pjesë e rëndësishme e skuadrës gjatë kohës kur Manchester United ishte në krye të futbollit botëror, teksa ishte edhe pjesë e skuadrës që drejtohej nga Sir Alex Ferguson dhe fitoi Ligën e Kampionëve.
