Drejtuesit e skuadrës angleze Manchester City, kanë shprehur dëshirën për të transferuar kapitenin e kampionëve të Spanjës, Sergio Ramos.
Spanjolli mund të largohet nga Santiago Bernabeu si transfer i lirë në verë, duke parë që skuadra e tij Real Madrid, ende nuk i ka ofruar mbrojtësit kontratë të re.
Trajneri i Cityt, Pep Guardiola, është një fans i madh i Sergio Ramosit dhe do të ishte shumë i lumtur nëse ai do të transferohej në Angli.
Sidoqoftë, mbetet të shihet nëse Ramos do të vazhdojë të jetë kapiten i Realit, apo do të transferohet te City.
Ramos u transferua në Madrid në vitin 2005 nga Sevilla. Ai tash ka mbi 400 paraqitje me klubin mbretëror, duke fituar pesë tituj në La Liga dhe katër të Ligës së Kampionëve./VAR Kosova/
