Përfaqësuesja e Kosovës sonte (e mërkurë) takohet me një prej fuqive më të madhe të futbollit.
“Dardanët” sonte luajnë në udhëtim te Spanja, e cila gjatë historisë së saj ka arritur të shpallet një herë kampion bote dhe tre herë kampion Evrope.
Kjo ndeshje zhvillohet nga ora 20:45 në stadiumin “La Cartuja” të Sevillës, teksa është e vlefshme për kualifikime në Botërorin “Katar 2022” nga Grupi B.
Më poshtë ne ju sjellim moshën mesatare, vlerën në treg të dyja përfaqësuesve, pozicionimin në ranglistën e FIFA-s dhe formën nga ndeshjet e fundit.
Mosha mestare: 26.1 është mosha mestare e futbollistëve të Kosovës – 26.3 është mosha mestare e Spanjës.
Vlera në treg: 77.20 milionë euro vlera e Kosovës – 855.00 milionë euro vlera e Spanjës.
Pozita në ranglistën e FIFA-s: Kosova pozicionohet në pozitën e 117-të – Spanja në pozitën e gjashtë.
Forma nga 5 ndeshjet e fundit: Kosova ka dy fitore dhe tri humbje – Spanja ka dy fitore dhe tri barazime.
Vlen të theksohet se kjo do të jetë ndeshja e parë në histori të përfaqësueseve A të këtyre dy shteve.
