Barcelona do të luajë sot një ndeshje tepër të vështirë ndaj Manchester United në Old Trafford, sfidë e vlefshme për fazën tjetër në Europa League. Ndeshja e parë në Spanjë përfundoi me rezultatin e barabartë 2-2, ndërsa në Angli do të jetë më e vështirë për katalanasit duke marrë parasysh mungesat e rëndësishme që ka Xavi.
Në prag të kësaj sfide, Xavi, trajneri i Barcelonës, ka folur për ndeshjen dhe gjithashtu ka prekur temën në lidhje me Leo Messin.
“Ai është miku im, ne jemi gjithmonë në kontakt dhe flasim për shumë gjëra. Ai te Barcelona? Varet nga ai dhe nga ajo që ai dëshiron të bëjë.
Për të dyert këtu janë gjithmonë të hapura”, është shprehur Xavi.
