Darnell Cowart Jr. nuk do të jetë më pjesë e klubit të basketbollit Peja.
Siç njofton klubi pejan të enjten, për shkak të mosmarrëveshjeve ka ndarë rrugët me basketbollistin amerikan.
“KB Peja njofton që basketbollisti Darnell Cowart Jr. nuk do të jetë më pjesë e skuadrës tonë për pjesën e mbetur të sezonit. Cowart ishte pjesë e skuadrës nga muaji shtator, por pas disa mosmarrëveshjeve – kemi vendosur që të mos vazhdojmë aventurën e përbashkët”, shkruan në njoftimin e Pejës.
Cowarti ishte prej më të dalluarve te Peja këtë edicion. Luajti me mesatare prej 16.5 pikëve e 7.1 kërcimeve për ndeshje.
Pejanët janë në vendin e pestë me katër fitore e pesë humbje.
