Golden Eagle Ylli ka fituar pa telashe të mërkurën mbrëma ndaj Tiranës, në ndeshjen e xhiros së parë të Ligës Unike. Ylli fitoi me shifrat 87:59.
Ndeshja u zhvillua në palestrën “13 Qershori” në Suharekë.
Mysafirët e fituan vetëm çerekun e dytë, 22:16, ndërsa të tjerët i takuan vendësve, 32:12, 26:14 dhe 13:11.
Hasahn French ishte më i miri te suharekasit me 28 pikë, dhjetë kërcime e dy asistime, kurse te mysafirët lojë të mirë pati Endrit Hysenagolli, por Tiranës nuk i mjaftuan 10 pikët, 13 kërcimet e tri asistimet e tij.
