Trajnerit të Manchester Cityt, Pep Guardiola, edhe një herë iu desh të komentonte merkaton e ardhshme dimërore në kontekstin e formës së dobët të skuadrës së tij, e cila nuk arriti të mposht Evertonin në Boxing Day.
“Ne patjetër duhet të sjellim lojtarë të rinj, patjetër. Edhe vetë djemtë po pyesin, ‘A mund të marrim disa lojtarë të rinj, të lutem’,” tha spanjolli për Amazon Prime pak para barazimit 1-1 në Etihad.
“Ne jemi duke luftuar si në mbrojtje ashtu edhe në mesfushë. Mendoj se kemi nevojë për lojtarë të rinj, por nuk e di nëse kjo do të ndodhë. Merkato e dimrit nuk është e lehtë dhe të gjithë janë të vetëdijshëm për këtë,” shtoi Guardiola.
