Fillimi i këtij edicioni për Real Madridin ishte i vështirë.
Pësoi disa humbje por tashmë Reali ka filluar që të kthehet në formën më të mirë.
Reali të mërkurën nga ora 21:00 do të luajë në udhëtim te Bresti në kuadër të javës së tetë të Ligës së Kampionëve.
Reali ka 12 pikë dhe renditet në pozitën e 16-të në Champions.
Një pikë më shumë ka Bresti në vendin e 13-të.
Aktualisht të dyja skuadrat janë në zonën e plejofit.
Trajneri i Realit, Carlo Ancelotti, është i bindur se do të fitojnë ndaj Brestit.
“Ne nuk ishim në nivelin tonë më të mirë, por tani jemi shumë afër. Të gjithë e dinë saktësisht se çfarë duhet bërë dhe ne jemi përmirësuar si grup. Kontributet individuale kanë qenë gjithashtu të rëndësishme. Sidomos Kylian Mbappe, sigurisht, por ne nuk mund të harrojmë Rodrygon, Jude Bellinghamin dhe Vinicius Juniorin. Ne do të fitojmë ndaj Brestit dhe të shohim më pas se çfarë do të ndodhë. Ne do të fokusohemi vetëm te vetja. Të fitojmë dhe të përpiqemi të përfundojmë sa më lart në tabelë”, ka thënë Ancelotti të martën në konferencë për shtyp.
