Gazeta e madhe gjermane, “Bild”, ka shkruar të mërkurën në mbrëmje se Niko Kovaç do të jetë trajner i ri i skuadrës së Dortmundit.
Dortmundin në fundjavë ndaj Werder Bremenit në barazimin 2:2 dhe në Ligën e Kampionëve të mërkurën mbrëma kundër Shakhtar Donetskut, e ka udhëhequr trajneri i grupmoshës U19 të Dortmundit, Mike Tullberg.
Kovaç në krye të Dortmundit do të vijë në vend të të shkarkuarit, Nuri Shahin.
Shahini u shkarkua për shkak të rezultateve të dobëta, ndërsa u largua nga skuadra pas disfatës 2:1 nga Bologna në “Champions”.
Kovaç do të nënshkruajë kontratë deri në vitin 2026.
Kroati 53-vjeçar në të kaluarën ka drejtuar Eintracht Frankfurtin, Bayern Munichun, Monacon dhe së fundmi Wolfsburgun.
Ai e ka fituar Bundesligën një herë, dy Kupa dhe një Superkupë të Gjermanisë me skuadrën e Bayern Munichut.
