Manchester City – Chelsea do të jetë kryendeshja e xhiros së 23-të këtë fundjavë në Premier League.
Derbi City – Chelsea luhet të shtunën nga ora 18:30.
Chelsea nuk ka fituar ndaj Cityt në shtatë ndeshjet e fundit në ligë.
Herën e fundit që Chelsea e mposhti Cityn në elitën angleze ishte në maj të vitit 2021.
Chelsea dhe City janë takuar mes vete në 163 ndeshje në të gjitha garat.
Chelsea ka 64 fitore, një më shumë se City, ndërsa kanë barazuar në 36 raste.
Në këtë ballafaqim, të dyja vijnë pas formës së luhatshme që kanë pasur në edicionin aktual.
Chelsea ka 40 pikë dhe është në vendin e katërt, kurse City ka dy pikë më pak në pozitën e pestë.
Për skuadrën e drejtuar nga trajneri Pep Guardiola fitorja ndaj Chelseat është shumë e rëndësishme pas disfatës që e pësoi të mërkurën në “Champions” nga Paris Saint-Germaini me rezultatin 4:2.
Tri transferimet e reja të Cityt, Omar Marmoush, Abdukodir Khusanov dhe Vitor Reis, do të përfshihen për ndeshjen ndaj skuadrës së drejtuar nga trajneri Enzo Maresca.
Të shtunën nga ora 16:00 luhen edhe pesë ndeshje të tjera.
Bournemouthi takohet me Nottingham Forestin, Brightoni me Evertonin, Liverpooli me Ipswich Townin, Southamptoni me Neëcastle Unitedin dhe Ëolverhamptoni me Arsenalin.
Tabelës së Premier Leagues i prin Liverpooli me 50 pikë nga 21 ndeshje të luajtura.
Në pozitën e dytë është Arsenali me 44 pikë.
Me pikë të njëjta është edhe Nottinghami që renditet një pozitë më poshtë.
Ndërkohë të dielën luhen katër ndeshje.
Prej dueleve interesante që zhvillohen të dielën janë Tottenham – Leicester City, që nis në orën 15:00 dhe Fulham – Manchester United, që luhet prej orës 20:00.
Unitedi xhiron e kaluar u mposht nga Brightoni me rezultatin 3:1, kurse të enjten mbrëma shënoi fitore ndaj Rangersit 2:1, në kuadër të javës së shtatë të Ligës së Evropës.
Të enjten fitore në “Europa League” shënoi edhe Tottenhami duke e mposhtur Hoffenheimin me rezultatin 3:2.
Unitedi në elitën e futbollit anglez ka 26 pikë në vendin e 13-të.
Tottenhami ka 24 pikë dhe renditet në pozitën e 15-të.
