Skuadra e Fenerbahçes ka shënuar fitore të vështirë 3:2 në shtëpi ndaj Goztepes.
Ndeshja u zhvillua të dielën mbrëma dhe i takoi javës së 21-të të elitës së futbollit turk.
Feneri ka 48 pikë në vendin e dytë. Lider është Galatasaray me 54 pikë.
Mysafirët kaluan në epërsi në minutën e 25-të me golin e shënuar nga Juan Santos.
Në minutën e 46-të sulmuesi maroken Youssef En-Nesyri i barazoi shifrat për vendësit.
Shtatë minuta më pas, En-Nesyri realizoi sërish për 2:1.
Oguz Aydin ishte shënuesi i golit të tretë e që ishte edhe i fitores për Fenerin në minutën e 55-të.
Për Goztepen golin e dytë e shënoi Novatus Miroshi në minutën e 82-të.
Por goli i tij nuk mjaftoi në fund pasi Feneri arriti t’i fitojë tre pikët shumë të vlefshme.
Goztepe ka 34 pikë dhe renditet në pozitën e pestë.
