Cristiano Ronaldo është vetëm 80 gola larg arritjes së shifrës së jashtëzakonshme në karrierën si futbollist, shifrës prej 1000 golave në karrierë.
Ai të dielën shënoi një herë dhe tani ka 920 gola në karrierën e shkëlqyer.
Ronaldo realizoi një herë në fundin e ndeshjes për Al Nassrin, në fitoren 3:1 ndaj Al Fateh, në ndeshjen e xhiros së 17-të.
Superylli portugez realizoi në minutën e 87-të për 3:1.
Tjetër gol shënoi dhjetë minuta më vonë, por pas rishikimit të situatës në VAR, nuk u pranua për shkak të pozitës jashtë loje.
Ai ka 14 gola në edicionin aktual të elitës së futbollit në Arabinë Saudite.
Al Nassr ka 35 pikë, por ka mbetur prapa në garën për titull.
Lider është Al Hilali me 43 pikë.
Për Sportingun e Lisbonës, Ronaldo kishte shënuar pesë gola.
Me Manchester Unitedin pati 145 gola, ndërsa dukshëm më shumë kishte me Real Madridin, 450 në total.
101 gola i shënoi për Juventusin derisa në total me skuadrën arabe ka 84 gola.
135 gola të tjerë, Ronaldo i ka të shënuar me Portugalinë.
