Neymar mund të ketë shoqëri nga një tjetër ish-yll i Barcelonës te Santos, pasi ka realizuar një kthim të ëndrrave te klubi i tij i rinisë.
Pas një periudhe të vështirë në Arabinë Saudite, ku luajti vetëm në shtatë ndeshje, Neymar ka ndërprerë kontratën me Al Hilal dhe është rikthyer te Santos, klubi i parë i tij, pas më shumë se 12 vitesh larg.
I 32-vjeçari pritet të firmosë një marrëveshje afatshkurtër me Santos, ku ka shënuar 36 gola në 225 ndeshje pasi u rrit në akademinë e klubit.
Neymar ishte në fokusin e interesimit të Chicago Fire nga MLS, por refuzoi ofertën për t’u kthyer në Brazilinë e tij, ku ka “puna të papërfunduara”.
Reprezentuesi brazilian ka konfirmuar rikthimin e tij te Santos në një video të publikuar në rrjetet sociale, duke thënë: “Thjesht nuk mund ta mbaj sekret deri nesër – do të firmos kontratën me Santos.”
“Për shumë kohë kam ëndërruar që ky moment të realizohej. Kanë kaluar më shumë se 12 vjet që u largova, por ndjehet sikur ishte dje. Ndjenjat e mia për klubin dhe tifozët nuk kanë ndryshuar kurrë,” tha Neymar.
Entuziazmi për kthimin e tij është tashmë në majë, por Santos mund të ketë edhe një lojtar tjetër të rëndësishëm që do t’i bashkohet skuadrës përpara kthimit të saj në elitën e futbollit brazilian.
Sipas Fabrizio Romano, Arthur Melo ka “hapur dyert” për t’u bashkuar me Santos në një marrëveshje huazimi që do të përfshijë një opsion blerjeje.
Eksperti i transferimeve pretendon se negociatat janë në zhvillim, me Santosin duke shpresuar të arrijë një marrëveshje për ndarjen e pagës me klubin mëmë, Juventus.
Melo u largua nga Gremio për t’u bërë pjesë e Barcelonës në 2018 ku fitoi La Ligan në sezonin e tij të parë. Ai më pas u transferua tek Juventusi në 2020 në një marrëveshje shkëmbimi që pa Miralem Pjanic duke kaluar në kahun e kundërt.
Ai kaloi më pas sezonin 2022/2023 në huazim tek Liverpooli, por pati një aventurë tejet të keqe në Angli, duke luajtur vetëm një ndeshje.
