E ardhmja e Virgil Van Dijk te Liverpooli është ende e paqartë.
Holandezi, ende nuk ka vazhduar kontratën e tij me “Reds”, e cila i skadon në fund të këtij sezoni.
Van Dijk, u pyet dhe se sa paraqitje do të bëjë këtë sezon.
“Nuk e kam idenë se sa paraqitje të tjera do të bëj”. “Sa kanë mbetur këtë sezon? Shpresoj që ato të jenë të garantuara dhe pastaj nuk e di se çfarë do të sjellë e ardhmja”, u shpreh Van Dijk.
Mbrojtësi holandez, këtë sezon përsëri po e dëshmon veten si një nga lojtarët më të mirë të Liverpoolit në garën për titullin, duke bërë 30 paraqitje dhe ka shënuar 2 gola në të gjitha garat.
