Skenë e çuditshme ka ndodhur në elitën e futbollit të Turqisë, në ndeshjen ndërmjet Sivassporit dhe Kayserisporit, që përfundoi 5:2 në të mirë të skuadrës vendëse.
Për Sivassporin dy gola e dy asistime i realizoi Rey Manaj, sulmuesi i Shqipërisë.
Mysafirët e mbyllën ndeshjen me dy futbollistë më pak në fushë.
Por kartoni i parë i kuq, ai i minutës së 23-të, ishte i çuditshëm.
Sulmuesi kamerunas, Stephane Bahoken, iu afrua bashkëlojtarit portugez, Miguel Cardos.
Pas një fjalosje mes tyre, Bahoken e qëlloi me shuplakë bashkëlojtarin e tij.
Gjyqtari nuk e pa rastin, por dhoma e VAR-it po.
Kamerunasit iu dha menjëherë kartoni i kuq dhe pritet të suspendohet për të paktën dy ndeshje.
