Skuadra e Baselit ka rënë në pozitën e dytë në Superligën e Zvicrës.
Baseli të dielën u ndal në barazim 1:1 në udhëtim nga Luzerni në ndeshjen që i takoi javës së 27-të.
Benie Traore e kaloi në epërsi Baselin në minutën e 41-të.
Vendësit shifrat i barazuan në minutën e 78-të me golin që e realizoi Stefan Knezeviq.
Xherdan Shaqiri luajti vetëm në pjesën e parë te Baseli kurse Leon Avdullahu e kompletoi ndeshjen.
Albian Ajeti ishte në bankën e rezervistëve.
Te vendësit futbollisti i Kosovës, Donat Rrudhani, luajti deri në minutën e 73-të.
Ndërsa Ismajl Beka i mungoi Luzernit për shkak të lëndimit.
Baseli ka 46 pikë. Pozitën e parë e mban Servette me dy pikë më shumë.
Luzerni është në vendin e tretë me 44 pikë.
