Skuadra e Dritës nuk ka gabuar në ndeshjen e xhiros së 22-të të Superligës së Kosovës në futboll.
Drita të dielën pasdite e mposhti në shtëpi Ferizajn me rezultatin 2:0.
Me fitore skuadra gjilanase ka bërë tjetër hap pozitiv në garën për titull. Albert Dabiqaj ishte realizatori i golit të parë në minutën e 57-të.
Goli përfundimtar u shënua nga Veton Tusha në minutën e 70-të. Për Dritën ishte ndeshja e shtatë rresht pa humbje në të gjitha garat.
Ndërsa për Ferizajn ishte disfata e dytë rresht.
Drita mbetet lider me 50 pikë.
Ballkani është në pozitën e dytë me 37 pikë. Ferizaj e zë vendin e shtatë me 26 pikë.
