Hajduku i Splitit e ka shfrytëzuar gabimin e Rijekës.
Skuadra e Hajdukut të Splitit e mposhti Goricën të dielën pasdite në shtëpi me rezultatin 2:1.
Kjo ndeshje i takoi javës së 25-të të elitës së futbollit kroat.
Hajduku me fitoren që e shënoi del në vendin e parë me 48 pikë.
Rijeka e lëshoi pozitën e parë në tabelë pasi të premten u ndal në barazim 1:1 nga Shibeniku.
Aktualisht ka një pikë më pak se Hajduku dhe renditet në pozitën e dytë.
Jan Mlakar i kaloi në epërsi vendësit në minutën e 22-të.
Në minutën e 68-të, portieri kroat, Ivan Baniq, realizoi autogol për 2:0.
Golin e vetëm për mysafirët e shënoi Martin Slogar në minutën e 92-të.
Agon Elezi e kompletoi ndeshjen te Gorica kurse Adrion Pajaziti u paraqit deri në minutën e 75-të.
Medin Gashi ishte në bankën e rezervistëve.
Gorica është në pozitën e parafundit me 24 pikë. Po lufton për mbetje në ligë.
