Golden Eagle Ylli ka vazhduar me seri pozitive të rezultateve në Superligën e Kosovës në basketboll.
Golden Eagle Ylli të shtunën mbrëma në palestrën “Sezai Surroi” në Prizren e mposhti Bashkimin me rezultatin 84:78. Kjo ndeshje i takoi javës së 26-të të elitës së basketbollit kosovar.
Për Yllin kjo ishte fitorja e katërt rresht në ligë.
Bashkimi pavarësisht disfatës mbetet lider me 44 pikë.
Golden Eagle Ylli e zë vendin e katërt me 39 pikë.
Më i dalluari në fitoren e mysafirëve ishte Lis Shoshi me 17 pikë, 11 kërcime dhe katër asistime.
Te Bashkimi lojë të mirë pati Erik Copes me 21 pikë dhe 12 kërcime.
