Berat Gjimshiti me Atalantan e kanë mposhtur në shtëpi kampionin në fuqi të Italisë, Napolin, me rezultatin 2:1.
Ndeshja e zhvilluar të dielën pasdite i takoi javës së 26-të të Serie A.
Kapiteni i Shqipërisë, Gjimshiti, në lojë tek Atalanta u inkuadrua në minutën e 69-të.
Napoli e mbylli pjesën e parë në epërsi me golin që e shënoi Sam Beukema në minutën e 18-të.
Por Atalanta në pjesën e dytë u përgjigj duke shënuar dy gola për ta përmbysur rezultatin.
Mario Pashaliq i barazoi shifrat në 1:1 në minutën e 61-të. Golin e fitores 2:1 e realizoi Lazar Samardziq në minutën e 81-të.
Napolitanëve iu mungoi kapiteni i Kosovës, Amir Rrahmani, për shkak të një lëndimi. Napoli mbetet në pozitën e tretë me 50 pikë. Është shumë prapa liderit Interit.
Atalanta renditet në pozitën e shtatë me 45 pikë.
