Mërgim Vojvoda ka pësuar një lëndim gjatë përgatitjeve parasezonale me Torinon.
Mbrojtësi i krahut ka pësuar një dëmtim muskulor në këmbën e majtë dhe është i detyruar të pauzojë.
Mediat italiane kanë njoftuar se lojtari ka kryer ekzaminimet mjekësore dhe pritet të mungojë të paktën për një muaj.
Reprezentuesi i Kosovës nuk do të jetë në gjendje t’i ndihmojë Torinos së paku në tri ndeshjet e para të sezonit të ri në Serie A.
Vojvoda sezonin e shkuar ishte titullar i padiskutueshëm tek ekipi italian.
