Gentian Mezani dhe SC Gjilani ndanë udhët qysh në fillim të kësaj jave, shkruan Gazeta Olle.
Megjithatë trajneri vlonjat duket se nuk do të jetë shumë gjatë i papunë.
E përditshmja sportive “Panorama Sport” ka raportuar gjtë ditës se Klubi Futbollistik “Laçi” tashmë ka vënë kontaktet e para me 45 vjeçarin.
Gjithsesi, burime në klub treguan për gazetën se në orët e fundit ka nisur të qarkullojë emri i Gentjan Mezanit, një njohje e vjetër e presidentit Pashk Laska.
Vlonjati ka dhënë dorëheqjen nga Gjilani pas dy viteve në Superligën e Kosovës dhe tashmë është trajner i lirë. Nuk përjashtohet mundësia që të ulet sërish në stolin e Laçit.
Përpos Laçit një tjetër skuadër që kërkon ta ketë Mezanin shef të shtabit teknik është edhe ajo e Apolonisë. Fierakët e shohin ish-in e Gjilanit si një kandidat mjaft serioz për ta drejtuar stolin e tyre.
Ditët në vijim do të jenë vendimtare për stolet e dy skuadrave, ndërkohë mbetet të shihet nëse Mezani do përfundojë në njërën prej tyre.
