Roma është duke planifikuar të bëjë një ofertë për talentin e Celticut, Jeremie Frimpong.
Megjithatë, për të hyrë në bisedime serioze për transferimin e 20-vjeçarit, Giallorossët kërkojnë nga klubi skocez që ta ulë çmimin.
Mbrojtësi i krahut të djathtë është në listën e dëshirave të klubit italian, mirëpo pronarët e tij e vlerësojnë rreth 15 milionë euro.
Gazetta dello Sport dhe Glasgow Live raportojnë se Roma dëshiron që kjo shumë të jetë shumë më e ulët.
Frimpong, i cili ka qenë pjesë e Akademisë së Manchester Cityt, ka regjistruar 27 paraqitje për Celticun në të gjitha garat këtë sezon.
