Në Itali raportojnë se në adresë të Interit nuk ka ardhur asnjë ofertë zyrtare për Christian Eriksen i cili është nxjerrë në merkato nga klubi zikaltër.
Megjithatë mediat ndërkombëtare raportojnë se interesimi për 28-vjeçarin danez nuk mungon, madje sëfundmi në skenë ka dalë një klub i madh.
Bëhet fjalë pikërisht për Ajaxin e Amsterdamit, klubin që besoi te Eriksen kur ishte shumë i ri dhe i dha mundësinë të hidhte hapat e parë në futbollin e madh.
Për yllin danez më shumë interes kanë shfaqur dy klube ishullore si Wolves dhe West Ham, por tashmë nuk përjashtohet mundësia e një rikthimi te Ajaxi.
Harkëtarët janë të gatshëm të paguajnë për kartonin e Eriksen me Interin që është i gatshëm ta shesë, edhe pse nuk përjashtohet mundësia e një largimi në formë huazimi.
