Ole Gunnar Solskjaer karrierën e trajnerit e nisi në vitin 2008 duke u bërë pjesë e stafit teknik të legjendës Sir Alex Ferguson. Në atë botë pjesë e Manchester United ishin Cristiano Ronaldo dhe Wayne Rooney, të cilit ishin të impresionuar me punën e norvegjezit si trajner, shkruan VAR Kosova.
Solskjaer karrierës si futbollist aktiv i dha fund në fund të sezonit 2007/08 dhe Sir Alex Ferguson e lejoi të ishte trajner i sulmuesve të skuadrës, pasi kishte filluar kursin për licencën e trajnerit.
Pas disa ditëve që ishte emëruar në këtë pozitë, një televizion norvegjez “TV2” ka bërë një storje duke intervistuar sulmuesit Cristiano Ronaldo dhe Wayne Rooney për punën me Solskajerin.
“Ai është shumë i mirë. Unë e shikoj Ole edhe si njeri, jo vetëm si trajner, është një djalosh fantastik dhe unë kam marrëdhënie tejet të mira me të” ishin fjalët e Ronaldos për Solskajer në atë intervistë.
I kënaqur me punën e tij ishte edhe mbrojtësi anglez dhe ish bashkëlojtari për shumë vite, Rio Ferdinand.
“Unë jam i sigurt se ai do të bëhet një top trajner, për shkak se ai ka ide shume të mira për lojën, po punon shumë në Carrington (qendra stërvitore e Man Utd)”, deklaronte Ferdinand për trajnerin norvegjez.
Për punën e Ole si trajner ishte i kënaqur edhe legjenda tashmë e klubit, Wayne Rooney. “Jam i sigurt që ai (Solskjaer) do të bëhet trajner dhe atë një trajner i mirë”, ishin fjalët e golashënuesit më të mirë të Djajve të Kuq dhe Kombëtares së Anglisë.
Ole Gunnar Solskjaer trajner i Manchester United ishte emëruar në vitin 2018, duke e zëvendësuar trajnerin portugez Jose Mourinho. Para se të emërohej trajner i United, ai kishte drejtuar skuadrën uellsiane Cardiff City dhe atë norvegjeze Molde.
Gjatë gjithë kësaj periudhe ai ka qenë nën kritika dhe se duhet të shkarkohet, por bordi i klubit anglez duket se ka ndryshuar qasjen ndaj trajnerëve dhe janë duke e mbështetur.
Sezonin e kaluar, Solskjaer e renditi Manchester United në pozitën e tretë duke e kualifikuar në Ligën e Kampionëve.
Ndërsa, këtë sezon pas 18 xhirove të zhvilluara është lider i Premier Ligës me 37 pikë. /VAR Kosova/
