Sot (e enjte) janë zhvilluar dy ndeshjet e fundit në kuadër të javës së 33-të në Superligën e Kosovës në futboll, shkruan Zeri.info.
Arbëria ka shkaktuar befasi, duke e mposhtur skuadrën pretedente për titull, Ballkanin. Ndeshja e zhvilluar në stadiumin e qytetit në Suharekë ka përfunduar me rezultatin 2-3.
Kreshnik Bahtiri shkëlqu edhe sot te Arbëria duke shënuar dy gola, teksa një e shënoi edhe Agon Llugiqi. Kurse, për suharekasit realizuan Arbër Shala dhe Arbër Hoxha.
Në ndeshjen tjetër, Drenica ka shënuar fitore ndaj Llapit në ndeshjen e gjashtë golave. Ndeshja e zhvilluar sot në “Bajram Aliu” ka përfunduar me rezultatin 4-2.
Anthony Monin (autogol), Donal Rapo, Osman Mëziu dhe Gentrit Dumani shënuan golet e fitores për vendasit, kurse golat për mysafirët u shënuan nga Amir Hossari dhe Sava Gardasevic.
