Futbollisti i Përfaqësueses së Kosovës, Valon Berisha ka pësuar një lëndim gjatë ndeshjes së Reims kundër Lillet.
Mesfushori shqiptar ndonëse startoi nga fillimi u desh ta lëshonte fushën vetëm pas tetë minutave lojë.
Në vend të tij hyri sulmuesi francez, Hugo Ekitike.
Ende nuk dihet shkalla e lëndimit të lojtarit kosovar, por në rast të ndonjë lëndimi më serioz mund t’i mungojë Kosovës në ndeshjet e muajit tetor në eliminatoret për Kupën e Botës.
Në rrjetet sociale, Berisha pas ndeshjes ka shkruar:
“Jashtë për pak, por do të kthehem sërish më i fortë”.
