Atalanta ka marrë një fitore të madhe 3-2 në fushën e Napoli-t dhe është futur zyrtarisht në luftën për titull në Serinë A.
Duket se Napoli ka paguar për shkak të mungesave të shumta që ka patur në ndeshjen e sotme, veçanërisht ajo e Koulibaly është ndier më shumë. Gjërat mund të kishin shkuar ndryshe me senegalezin në fushë.
Ndeshja e luajtur në stadiumin Maradona është zhbllokuar pas vetëm 7 minutash, me Malinovsky që ka kaluar në avantazh miqtë.
Zielinski në fundin e pjesës së parë dhe Mertens në fillimin e së dytës kanë përmbysur rezultatin.
Bergamaskët janë kundërpërgjigjur duke përmbysur gjithçka në harkun e pesë minutave. Demiral ka barazuar shifrat në minutën e 66-të dhe Freuler ka realizuar golin e tretë në të 71-ën.
Mbrojtesi i Kosovës, Amir Rrahmani ishte titullar në këtë derbi dhe ishte ndër më të mirët te Napoli. Ndersa mbrojtesi tjeter shqiptar, Berat Gjimshiti nuk u aktivizua.
Atalanta mbetet në vendin e katërt me 34 pikë, vetëm dy larg Napoli-t, që tani është parakaluar nga Milan dhe Inter.
