Gjyqtari kosovar, Bekim Zogaj është deleguar edhe për një tjetër përballje në Ligën e Kampionëve.
Zogaj, i cili është gjyqtar anësor, do të ndajë drejtësinë në duelin mes RB Leipzig dhe Manchester City.
Gjyqtari kryesor i këtij dueli do të jetë Sandro Scharer, i cili do të ndihmohet nga Stephane de Aleida dhe Bekim Zogaj, teksa në dhomat e VAR-it do të jenë, Fedayi San dhe Lionel Tschudi.
Kjo ndeshje do të zhvillohet me fillim nga ora 18:45, në kuadër të xhiros së fundit të fazës së grupeve në Ligën e Kampionëve.
