Ish-portieri i Real Madridit, Jerzy Dudek foli për Lionel Messin në autobiografinë e tij, duke e etiketuar atë si “provokues” dhe “i vrazhdë”.
Polaku e pa Messin nga afër gjatë El Clasicos, pasi kishte vepruar si zëvendës i Iker Casillas te Los Blancos për katër vjet pas largimit nga Anfield në vitin 2007.
Dhe në librin e tij që tregon gjithçka, Dudek nuk u përmbajt kur fliste për Messin. Ai shkroi për gjashtë herë fituesin e Topit të Artë: “Ai ishte mashtrues dhe provokues”.
“Ata ishin shumë të gatshëm të të provokonin dhe mundën ta bënin atë në perfeksion. Pashë Messin duke thënë gjëra kaq të vrazhda ndaj Pepes dhe [Sergio] Ramos, sa nuk do ta imagjinonit nga një person kaq i qetë dhe në dukje i mirë”.
Dudek gjithashtu tha fjalën e tij për ish-bashkëlojtarët legjendar Cristiano Ronaldo dhe Raul.
Heroi i Ligës së Kampionëve të Liverpool-it në vitin 2005 vazhdoi: “Cristiano Ronaldo është arrogant, por ai është një djalë normal prapa skenave. Ka të bëjë me mënyrën se si njerëzit e perceptojnë atë, pak a shumë”.
“Ashtu si Raul, ai është egocentrik, tepër konkurrues dhe fitues. Të dy do të preferonin që ekipi i tyre të fitonte 2-1 me golat e tyre sesa 5-0 me lojtarët e tjerë që shënonin”, ka shtuar më tej ai.
