Chelsea i Thomas Tuchel ka siguruar një vend në gjysmëfinalet e Kupës së Anglisë falë fitores 2-0 të marrë në çerekfinale kundër Middlesbrough. Kjo ka qenë fitorja e 12 për Blues në 13 ndeshjet e fundit.
Një gol i Lukaku-t në minutën e 15-të dhe një Ziyech në të 31-ën i kanë siguruar suksesin në Riverside Stadium dhe një vend mes katër më të mirave në Kupën e Anglisë.
Pavarësisht se klubi nuk po kalon një moment të mirë për shkak të sanksioneve që qeveria angleze i ka vënë Roman Abramovich-it për shkak të lidhjeve të tij me Vladimir Putin, skuadra duket se nuk po ndikohet aspak dhe po tregon një profesionalizëm shembullor në fushën e lojës.
