Presidenti i FSHF-së Armando Duka, ka reaguar pas fitores së ekipit të Vllaznisë së vajzave, të cilat pas ndeshjes së sotme me ekipin ukrainas të Vorskla Kharkiv, do të marrin pjesë në Champions League për herë të parë.
Ai tha se ekipi i vajzave sot dha një leksion se si të fitohet dhe se është bërë një punë e jashtëzakonshme për të mbështetur vajzat por duhet punuar akoma më shumë.
Jam i lumtur për vajzat e ekipit të Vllaznisë që sot na dhanë leksion sesi të fitojmë. Sot Vllaznia e vajzave ka shkruar historinë me fitoren kundër ekipit ukrainas të Vorskla Kharkiv dhe tashmë do të marrë pjesë në grupe të Champions League për herë të parë.
