Arsenali ka mposhtur në minutat e fundit Manchester United me rezultatin 3-2 në kuadër të javës së 19-të në Premier Ligën angleze, transmeton VAR Kosova.
Të parët që kaluan në epërsi ishin Djajtë e Kuq, që realizuan nëpërmjet Marcus Rashford në minutën e 17-të, me Bruno Fernandes që ishte asistuesi.
Por, lideri i Ligës Premier nuk u demotivua, dhe i barazoi shifrat në 1-1, kur Granit Xhaka dhuroi asistim milimetrik për Eddie Nketihan.
Në 45 minutat e dytë, spektakli nuk mungoi dhe dy skuadrat shënuan shënuan sërish gola.
Arsenali ia doli të përmbyste shifrat, për të kaluar në epërsi (2-1), kur Bukayo Saka (53’) shënoi një gol mahnitës.
Mirëpo, gjashtë minuta nga goli i dytë i Topçinjve, United i barazoi shifrat në 2-2 me anë të Lisandro Martinez.
Arsenali nuk u dorëzua deri në fund dhe ia doli ta rikthente epërsinë me anë të Nketias që realizoi në minutën e 90-të, me asistimin e Martin Odegaard.
