Katër lojtarë të famshëm të Ligës Premier thuhet se po përballen me një pritje me ankth për të zbuluar nëse do të përfshihen në skuadrën e Anglisë për Kampionatin Evropian “Gjermani 2024”.
Me Euro 2024 më pak se një muaj larg, vendet e përfshira kanë filluar të zbulojnë emrat e skuadrave të tyre për turneun.
Deri më tani, Gjermania mikpritëse, Franca dhe Holanda janë disa nga kombet e mëdha që kanë përzgjedhur skuadrat e tyre.
Sot (e martë) pasdite, trajneri i Anglisë, Gareth Southgate do të emërojë skuadrën e tij të përkohshme përpara miqësoreve kundër Bosnje-Hercegovinës dhe Islandës.
Përpara njoftimit, është pohuar se katër yje të Ligës Premier rrezikojnë të mbeten jashtë skuadrës. Ndërkohë Jordan Henderson veçse është konfirmuar se nuk do të jetë pjesë e listës.
Sipas Daily Mail, dyshja e Manchester Cityt, Jack Grealish dhe Kalvin Phillips, së bashku me yllin e Manchester United, Marcus Rashford dhe sulmuesin e Chelseat, Raheem Sterling janë lojtarët që po përballen me një pritje me ankth.
