Trajneri i Manchester City-t, Pep Guardiola, ka reaguar pas kritikave për performancën e ekipit dhe spekulimeve për nevojën e ndryshimeve të mëdha në skuadër. Në një intervistë të fundit, Guardiola theksoi se nuk është dakord me idenë e një rinovimi të plotë të ekipit të tij.
“Tri muaj më parë fituam Premier League, ishim në finalen e FA Cup dhe arritëm në çerekfinalet e Ligës së Kampionëve, ku u mundëm nga një paraqitje e jashtëzakonshme e Real Madrid,” tha Guardiola. Ai vazhdoi të shpjegojë se ky është i njëjti ekip që ka arritur sukseset e mëdha dhe se kritikat për nevojën e ndryshimit të plotë janë të pabaza.
“Është të njëjtin ekip!” – përfundoi trajneri, duke theksuar besimin e tij në lojtarët dhe skuadrën që ka ndihmuar të arrijë nivele të larta të suksesit. Guardiola ka mbajtur gjithmonë një qëndrim të fortë mbështetjeje për lojtarët e tij dhe beson në mundësinë e përmirësimeve edhe pa ndryshime radikale.
