Tottenhami ka barazuar në derbin me Romën, që u zhvillua të enjten mbrëma dhe i takoi xhiros së pestë të Ligës së Evropës.
Tottenhami e Roma barazuan 2:2.
Në minutën e pestë, Heung-Min Son shënoi për 1:0, kurse Evan Ndicka i barazoi shifrat në minutën e 20-të.
Brennan Johnson i Tottenhamit në minutën e 34-t e shënoi edhe një tjetër gol për 2:1.
Romës iu anuluan dy gola në këtë ballafaqim, por goli i Mats Hummelsit në minutën e parë të kohës shtesë ishte i rregullt.
Mbrojtësi gjerman e vendosi rezultatin përfundimtar. Tottenhami ka 10 pikë, katër më shumë se Roma.
