Sulmuesi kosovar, Medin Gashi, shënoi golin e epërsisë për Goricën në minutën e tetë të ndeshjes.
Por goli i tij nuk i mjaftoi Goricës, që të premten në mbrëmje u mposht nga Slaven Belupo me rezultatin 2:1.
Kjo ndeshje ishte e vlefshme për xhiron e 17-të të elitës së futbollit kroat.
Ai luajti deri në minutën e 63-të dhe ishte më i vlerësuari te Gorica.
Për Gashin ky ishte goli i parë i realizuar këtë edicion në nëntë ndeshje të zhvilluara.
Gorica ka 15 pikë dhe është në vendin e tetë.
Slaven Belupo ka pesë pikë më shumë dhe është në pozitën e gjashtë.
