Sulmuesi Brajan Gruda është paraqitur deri në minutën e 67-të të premten në barazimin e Brightonit.
Ndeshja Brighton – Brentford që ishte e vlefshme për javën e 18-të të Premier Leagues u mbyll pa gola.
Vendësit e dominuan ndeshjen por në fund e fituan vetëm një pikë.
Lojtarët e Brightonit kishin 24 tentime për gol por nuk arritën t’i konkretizonin rastet.
Ndërsa mysafirët kishin vetëm tetë tentime për gol.
Brentfordit iu anulua edhe një gol i shënuar në minutën e 15-të nga sulmuesi Yoane Wissa për shkak të pozitës jashtë loje.
Për Grudën kjo ishte ndeshja e nëntë e zhvilluar këtë edicion në të gjitha garat.
Brightoni ka 26 pikë. Brentfordi ka dy pikë më pak.
Të dyja skuadrat renditen në mesin e tabelës.
