Ekipi i Superligës së Turqisë që po lufton për mbijetesë në edicionin aktual, Bodrumspor, e ka transferuar mesfushorin me tipare sulmuese, Enis Bardhi.
Zyrtarizimi i Bardhit është bërë në mënyrë të veçantë nga klubi turk në rrjetet sociale.
Bardhi së fundmi ishte pjesë e Trabzonsporit.
Te Trabzonspori, 29-vjeçari Bardhi ka luajtur prej vitit 2022.
Bardhi te Bodrumspori do ta mbajë veshur fanellën me numrin 10-të.
Kapiteni i Maqedonisë së Veriut ka shënuar 14 gola dhe ka kontribuuar me shtatë asistime në 97 paraqitje me Trabzonsporin.
Bardhi karrierë ka bërë edhe me Levanten e Ujpestin.
Bodrumspori pas 19 ndeshjeve të luajtura në elitën turke ka 16 pikë në vendin e 16-të.
16 pikë i ka edhe Kayserispori në vendin e 17-të, me një ndeshje më pak të luajtur.
Këto janë vende që nuk sigurojnë mbetjen në elitë edhe për një edicion tjetër.
