Transferimi i qendërmbrojtësit të Empolit, Ardian Ismajli, te skuadra e Napolit, do të varet nga e ardhmja e Rafa Marinit, ka shkruar “Tuttomercatoweb” të premten.
Spanjolli 22-vjeçar është te Napoli prej korrikut të vitit të kaluar, kur për 12 milionë euro u transferua nga Real Madridi.
Por ai ka luajtur vetëm dy ndeshje dhe është duke e kërkuar largimin.
Villarreali synon ta transferojë atë për 4 milionë euro, që do të ishin të mjaftueshme për transferimin e Ismajlit nga Empoli.
Në rast të transferimit te Napoli, 28-vjeçari Ismajli do të mund ta formonte mbrojtjen shqiptare në qendër përkrah Amir Rrahmanit, kapitenit të Kosovës.
Ismajli ka 22 paraqitje në të gjitha garat për Empolin në edicionin aktual.
