Albion Rrahmani e ka nisur furishëm edicionin e ri në elitën e futbollit çek.
Rrahmani të dielën mbrëma shënoi dy gola në fitoren 3:1 të Spartës së Pragës ndaj Zlinit.
Por pavarësisht se është në formë shumë të mirë te Sparta, Rrahmani mund të ndryshoj skuadër. Kanë mbetur edhe pak orë deri në përfundimin e këtij afati kalimtar.
“Footmercato”, ka raportuar të hënën se klubi i madh francez, Olympique Lyon, ka bërë ofertë për Reprezentuesin e Kosovës. Lyoni ka ofruar gjashtë milionë euro për Rrahmanin.
Kjo ofertë konsiderohet e pamjaftueshme nga klubi çek që po kërkon tetë milionë euro për ta lënë të lirë qendërsulmuesin Rrahmani.
25-vjeçari këtë edicion në 13 ndeshjet e zhvilluara në të gjitha garat ka shënuar tetë gola.
Pjesë e Spartës së Pragës, Rrahmani është prej verës së vitit të kaluar kur u transferua nga Rapid Bukureshti për pesë milionë euro.
Ai karrierë ka bërë edhe te Ballkani e Malisheva.
