Drita mëson kundërshtarin e plejofit të fazës nokaut
Drita e ka mësuar të premten kundërshtarin e plejofit të fazës nokaut të Ligës së Konferencës, në shortin e tërhequr në Nyon të Zvicrës. Drita do të përballet me Celjen sllovene.
Drita e përfundoi fazën e ligës në Ligën e Konferencës në pozitën e 20-të, me tetë pikë. Ishte sukses historik, ndërsa kjo u arrit në debutimin e skuadrës gjilanase.
Kampionia e Kosovës do të jetë vendëse në ndeshjen e parë që luhet më 19 shkurt në stadiumin “Fadil Vokrri”, ndërsa kthyese do të luhet në udhëtim më 26 shkurt.
