Barcelona ka regjistruar fitoren e radhës në La Liga.
Katalonasit triumfuan minimalisht 1:0 në shtëpi ndaj Rayo Vallecanos, shkruan Gazeta Express.
Golin e vetëm të ndeshjes e realizoi Ronald Araújo në minutën e 24-të, pas një asistimi nga João Cancelo.
Me këtë fitore, Barcelona ngjitet në kuotën e 73 pikëve në vendin e parë, shtatë më shumë se Real Madridi, i cili ka një ndeshje më pak të zhvilluar.
Në anën tjetër, Rayo Vallecano mbetet me 32 pikë në vendin e katërmbëdhjetë në tabelë.
