Malisheva ka qenë bindëse përballë skuadrës së Llapit në ndeshjen e xhiros së 26-të të Superligës së Kosovës në futboll.
Malisheva mposhti Llapin me rezultat 2:0 të dielën në stadiumin “Liman Gegaj” në Malishevë.
Për Malishevën ishte fitorja e parë pas dy humbjeve rresht në elitën e futbollit kosovar.
Me fitore, Malisheva është ngritur në vendin e katërt me 40 pikë, kurse Llapi mbetet në vendin e tetë me 29 pikë.
Malisheva në minutën e 52-të realizoi golin e epërsisë 1:0 me gol të Donart Vitijës, kurse për 2:0 shënoi Mevlan Zeka në minutën e 69-të.
