Mbrojtësi i Romës Chris Smalling dhe gruaja e tij janë grabitur brenda vilës së tyre në Romë.
Ata janë grabitur brenda dhomës së gjumit, nën kërcënimine armëve. Nuk ka ende asnjë të dyshuar nga policia.
“Doja të falënderoja të gjithë për mesazhet e afërsisë dhe mbështetjes! Familja ime, megjithëse është shumë e tronditur, nuk pësoi dëmtime”, tha Smalling.
“Shpresoj që këta njerëz mund të gjejnë një mënyrë më kuptimplote për të jetuar jetën e tyre, pa shkaktuar dëm ose shqetësim për të tjerët “, është mesazhi në mediat sociale nga Chris Smalling pas frikës në mëngjesin e djeshëm, të grabitjes së vilës së tij në Romë.
Gruaja e tij Sam gjithashtu donte t’i falënderonte të gjithë për mbështetjen.
“Faleminderit të gjithëve për mbështetjen – shkroi partnerja e mbrojtësit të Romës.
“Edhe pse ende pak e tronditur, familja ime është mirë. Unë thjesht do të sugjeroja që ata që e jetojnë jetën e tyre si këta hajdutë, duke hyrë në dhomën tonë të gjumit me armë në kokë, të rimendojnë zgjedhjet e tyre dhe të jetojnë në një mënyrë më dinjitoze, të respektueshme dhe të ndërgjegjshme, si burra të vërtetë dhe jo si minj (duhet pak respekt për minjtë, e di).
“Mendoj se jeta e tyre nuk është e lehtë, por kjo nuk justifikon asgjë. Gjithmonë ekziston një mënyrë tjetër”, tha ajo.
