Një tifoz, i cili e goditi me shishe të ujit në kokë Dimitry Payetin dhe e shkaktoi ndërprerjen e ndeshjes Lyon – Marseille, e hëngri një shuplakë të fortë më vonë nga tifozët e vet.
Ndeshja derbi e Ligue 1 në Francë mes Lyonit dhe Marseilles u ndërprerë, për shkak se një tifoz në kokë sulmuesin e Marseille Dimitry Payet.
Gjyqtari i urdhëroi lojtarët të kthehen në zhveshtore në minutën e 7-të, pasi Payet u godit me shishe të ujit në kokë kur po tentonte ta rivinte topin në lojë nga këndi.
Por ky veprim i pamatur i kushtoi atij me shuplakë gojës në tribuna. Një tifoz tjetër i Lyonit shihet duke e qortuar atë para se ta godasë me shuplakë.
Xherdan Shaqiri ishte në fushë si titullar për skuadrën e Lyonit.
Lyon – Marseille është ndër derbit më të zjarrtë në futbollin francez dhe rivalitetin mes këtyre dy klubeve e dëshmuan edhe tifozët në tribuna.
Lyoni dhe Marseille nuk po kalojnë në formën më të mirë këtë sezon në ligë, pasi kanë ngelur shumë mbrapa liderit PSG.
Marseille i ka vetëm dy fitore në pesë ndeshjet e fundit dhe renditet në vendin e pestë me 23 pikë, 14 më pak se PSG-ja dhe katër më shumë se Lyoni.
Lyoni i Shaqirit është i 10-ti me 19 pikë nga 13 ndeshje.
